ஒரு நீரிழிவு உணவு என்பது ஆரோக்கியமான, ஊட்டச்சத்து நிறைந்த உணவுகளை மிதமான அளவில் சாப்பிடுவதிலும், வழக்கமான உணவு நேரங்களை பராமரிப்பதிலும் கவனம் செலுத்துகிறது. இது இரத்த சர்க்கரை அளவைக் கட்டுப்படுத்துவதையும், உங்கள் எடையைக் கட்டுப்படுத்துவதையும், நீரிழிவு நோயுடன் தொடர்புடைய நீண்டகால சிக்கல்களைத் தடுப்பதையும் நோக்கமாகக் கொண்டுள்ளது.

நீரிழிவு உணவின் முக்கிய கூறுகளான பழங்கள், காய்கறிகள், முழு தானியங்கள் மற்றும் அதிக சர்க்கரை உணவுகள் மற்றும் கொழுப்புகளை கட்டுப்படுத்துதல் ஆகியவை அடங்கும். நாள் முழுவதும் பல நேரங்களில் உணவைப் பிரித்து உண்பது, கார்போஹைட்ரேட்டு எடுப்பதில் கவனமாக இருப்பது, மது அருந்துவதைக் குறைப்பது, உப்பு எடுப்பதைக் குறைப்பது போன்றவையும் முக்கியம்.

நார்ச்சத்து நிறைந்த உணவுகள், இதயத்திற்கு ஆரோக்கியமான மீன் (வாரத்திற்கு இரண்டு முறை), மற்றும் வெண்ணெய் மற்றும் கொட்டைகள் போன்ற "நல்ல" கொழுப்புகளை சேர்ப்பது கொலஸ்ட்ரால் அளவை மேம்படுத்த உதவுகிறது. உணவுத் தட்டில் பாதி மாவுச்சத்து இல்லாத காய்கறிகளாலும், கால் பகுதி புரதத்தாலும், கால் பகுதி முழு தானியங்கள் போன்ற கார்போஹைட்ரேட்டுகளாலும் நிரப்பப்பபட வேண்டும் என்று அமெரிக்க நீரிழிவு சங்கம் பரிந்துரைக்கிறது.

சிறிய அளவிலான "நல்ல" கொழுப்புகள், பழங்கள் மற்றும் குறைந்த கொழுப்புள்ள பால் ஆகியவற்றின் மூலம் உணவைப் பூர்த்தி செய்ய வேண்டும். பானத்திற்கு தண்ணீர் அல்லது குறைந்த கலோரியுள்ள பானத்தை எடுத்துக்கொள்ளலாம். பதிவு உணவு வல்லுநரிடம் ஆலோசனை பெறுவதன் மூலம் தனிப்பட்ட வழிகாட்டுதல்கள் கிடைக்கும். நீரிழிவுக்கு ஏற்ற உணவானது நீரிழிவு மேலாண்மை தவிர, எதிர்காலத்தில் இருதய நோய்கள், சில புற்றுநோய்கள் மற்றும் குறைந்த எலும்பு எடை ஆகியவற்றின் அபாயத்தையும் குறைக்கிறது.9,10,11^9,10,11