ചിക്കൻ ഓട്സ് ഗലോട്ടി കബാബ്
ചേരുവകൾ:
- കൊത്തിയരിഞ്ഞ(മിൻസ്ഡ്) ചിക്കൻ - 400 ഗ്രാം
- ഓട്സ് – 3 ടേബിൾസ്പൂൺ
- ഗോതമ്പു നുറുക്ക് - 2 ടേബിൾസ്പൂൺ
- കുരുമുളക് പൊടി – ½ ടീസ്പൂൺ
- ജീരകം – 1 ടീസ്പൂൺ
- ചതച്ച ചുവന്ന മുളക് – 2 ടീസ്പൂൺ
- ഉപ്പു ആവശ്യത്തിന്
- കാപ്സികം – 1(കഷ്ണങ്ങളാക്കിയത്)
- സവാള കഷ്ണങ്ങളാക്കിയത് – 1 വലുത്
- കാരറ്റ് കഷ്ണങ്ങളാക്കിയത് – 1 ഇടത്തരം
- തക്കാളി – 1 (കഷ്ണങ്ങളാക്കിയത്)
- വെളുത്തുള്ളി അല്ലി - 3
- ഇഞ്ചി ചെറിയൊരു കഷ്ണം
- മുട്ട - 1
- ഓയിൽ - 15ml
പോഷക മൂല്യം:
കാലറി – 1000 കിലോ കാൽറി
പ്രോട്ടീൻ - 45gm
പാചകം ചെയ്യുന്ന വിധം:
- കാരറ്റ് , കാപ്സികം, സവാള, ഇഞ്ചി, വെളുത്തുള്ളി എന്നിവ ഒരു ചോപ്പറിൽ ഇട്ടു തരുതരുപ്പായി അരിഞ്ഞെടുക്കുക.
- തക്കാളിയും സവാളയും വെവ്വേറെ തരുതരുപ്പായി അരിഞ്ഞെടുക്കുക.
- ഒരു പാത്രത്തിൽ കൊത്തിയരിഞ്ഞ ചിക്കനും, കഷ്ണങ്ങളാക്കി അരിഞ്ഞ പച്ചക്കറികളും, തക്കാളിയും, സവാളയും എടുക്കുക.
- മസാലയും, ഇടിച്ച മുട്ടയും, ഗോതമ്പു നുറുക്കും ചേർക്കുക.
- എല്ലാം കൂടി നന്നായി യോജിപ്പിച്ച ശേഷം മിനിറ്റ് മൂടി മാറ്റി വയ്ക്കുക.
- ഒരു ട്രേ എടുത്തു, അതിൽ ബട്ടർ പേപ്പർ വിരിച്ചു മുകളിൽ ഓയിൽ തടവുക.
- മാറ്റി വച്ചിരിക്കുന്ന മിശ്രിതം രണ്ടു ഇഞ്ചു അകലത്തിൽ കൂനയായി ഇടുക.
- ഒരു സ്പൂണിന്റെ പുറകിൽ അല്ലെങ്കിൽ വിരലിൽ എണ്ണ തടവിയ ശേഷം അതുകൊണ്ടു മിശ്രിതം പരത്തി കബാബ് പരുവത്തിലാക്കുക.
- ഇത് അരമണിക്കൂർ ഫ്രീസറിൽ വച്ച് കട്ടിയാക്കുക. അതിനു ശേഷം പുറത്തെടുത്തു ഒരു നോൺ സ്റ്റിക് പാനിൽ ഇടത്തരം ചൂടിൽ പൊരിച്ചെടുക്കുക, അല്ലെങ്കിൽ 15 മിനിറ്റ് 180°C ബേക്ക് ചെയ്തെടുക്കുക.
- ഇഷ്ടമുള്ള സോസിലോ ചുട്ടണിയിലോ മുക്കി ചൂടോടെ കഴിക്കുക.
