டயபடீஸ் மிலிடஸ் என்பது செல்களுக்குள் குளுக்கோஸ் நுழைய முடியாமல், இரத்த ஓட்டத்தில் இருப்பதால் இரத்தத்தில் சர்க்கரை அளவை அதிகரிக்க வழிவகுக்கும் இன்சுலின் தொடர்பான பிரச்சினைகளால் ஏற்படும் ஒரு நிலையாகும். காலப்போக்கில், இதனால் இதய நோய், பார்வை பிரச்சினைகள் மற்றும் சிறுநீரக நோய் போன்ற கடுமையான உடல்நலப் பிரச்சினைகள் ஏற்படலாம்.

நிலையற்ற இரத்த சர்க்கரை அளவுகள் சிக்கல்களுக்கு வழிவகுக்கும் என்பதால், கர்ப்ப காலத்தில் நீரிழிவு நோயை நிர்வகிப்பது தாய் மற்றும் குழந்தையின் ஆரோக்கியத்திற்கு முக்கியமானது. மோசமாக கட்டுப்படுத்தப்பட்ட நீரிழிவு நோயால் பாதிக்கப்பட்ட பெண்களுக்கு பிறப்பு குறைபாடுகள், உயர் இரத்த அழுத்தம், அதிகப்படியான அம்னோடிக் திரவம் மற்றும் மேக்ரோசோமியா (அதிகமாக பெரிய கரு) போன்ற அதிக ஆபத்துகள் ஏற்படலாம்.

கர்ப்ப காலத்தில் இரத்த சர்க்கரை அளவை உண்ணிப்பாகக் கண்காணித்தல், சீரான உணவைப் பின்பற்றுதல், தவறாமல் உடற்பயிற்சி செய்தல் மற்றும் சுகாதார நிபுணர்கள் பரிந்துரைத்த மருந்துகளை உட்கொள்வது போன்றவை அவசியம். அபாயங்களைக் குறைக்க குறிப்பிட்ட இலக்கு வரம்புகளுக்குள் இரத்தச் சர்க்கரை அளவு பராமரிக்கப்பட வேண்டும்.

கர்ப்ப காலத்தில் இரத்தச் சர்க்கரைக் கட்டுப்பாட்டிற்கு இன்சுலின் விரும்பத்தக்க மருந்தாகும், மேலும் ஹார்மோன் மாற்றங்கள் காரணமாக இன்சுலின் தேவை அதிகரிப்பதால் இன்சுலின் மருந்தளவையும் மாற்ற வேண்டியதிருக்கலாம். கர்ப்பகால நீரழிவு நோய் உள்ள பெண்களைப் பொறுத்தவரை, இரத்தச் சர்க்கரை அளவைச் சீராகப் பராமரிக்க உணவைத் திட்டமிடலும் உடற்பயிற்சியும் உதவலாம்.

ஒரு நல்ல சரிவிகித மற்றும் சத்தான உணவு முக்கியமானது, உணவின் அளவைக் காட்டிலும் தரத்தில் கவனம் செலுத்த வேண்டும். ஒரு நாளில் சுமார் 300 கலோரி அளவுள்ள உணவுகளை எடுத்துக்கொள்வது பொதுவாகப் போதுமானது. பழங்கள், காய்கறிகள், முழு தானியங்கள், கொழுப்பற்ற இறைச்சி, மீன் மற்றும் குறைந்த கொழுப்புள்ள பால் பொருட்கள் போன்ற பல்வேறு உணவுகளைச் சேர்த்துக்கொள்ளும்படி பரிந்துரைக்கப்படுகிறது.

நீரிழிவு நோயைக் கட்டுப்படுத்துவதற்கு உடற்பயிற்சியும் முக்கியமானது, மேலும் உடற்பயிற்சி திட்டங்கள் பற்றி மருத்துவரிடம் பேச வேண்டும். கர்ப்ப காலத்தில் நடைபயிற்சி, நீச்சல் அல்லது லோ-இம்பாக்ட் ஏரோபிக்ஸ் போன்ற குறைந்த தாக்கத்தை ஏற்படுத்தும் செயல்களில் ஈடுபடுவது பொதுவாக பாதுகாப்பானது, ஆனால் சில சமயங்களில் தனிப்பட்ட வழிகாட்டுதல் தேவைப்படலாம்.

விழுந்துவிடும் அல்லது அடிவயிற்றுக் காயத்தை ஏற்படுத்தும் அபாயமுள்ள கடுமையான உடற்பயிற்சிகளும் செயல்பாடுகளும் தவிர்க்கப்பட வேண்டும். சரியான உணவு, உடற்பயிற்சி மற்றும் மருத்துவ பரிந்துரைகளை தொடாந்து பின்பற்றுவதன் மூலம், நீரிழிவு நோயாளிகள் ஆரோக்கியமான கர்ப்பத்தைப் பெறலாம் மற்றும் தங்களுக்கும் தங்கள் குழந்தைகளுக்கும் ஏற்படக்கூடிய சிக்கல்களைக் குறைக்கலாம்.19,20^19,20