मूगडाळ चिकन पिझ्झा
साहित्य:
- हिरव्या सालीची मुगाची डाळ- 1 कप,
- ओट्स [पूड/ पावडर]- 2 चमचा,
- चिकन- 50 ग्रॅ,
- लाल मिरची पावडर- 1 चमचा,
- गरम मसाला- 1 चमचा,
- हळद- 1 चमचा,
- दही- 1 चमचा,
- धणे पावडर- 1 चमचा,
- कांदा – 1 [बारीक चिरलेला],
- गाजर – ½ [किसलेले],
- कोथिंबीरीची पाने- 2 चमचा
- ढोबळी मिरची – 2 चमचा [छोटे तुकडे],
- किसलेले पनीर/ चीज- 2 चमचा
- मिरेपूड – 1 चमचा
- मीठ- चवीनुसार
- तेल- 1 चमचा
- चिली फ्लेक्स- 1 चमचा
- ओरेगॅनो- 1 चमचा
पोषण मूल्य:
कॅलरीज- 524 किलोकॅलरी
प्रथिने- 42 ग्रॅ
पद्धत:
- 1 कप हिरव्या सालीची मुगाची डाळ रात्रभर पाण्यात भिजत घाला
- दुसऱ्या दिवशी सकाळी त्यात थोडे पाणी आणि ओट्स घालून त्याची पेस्ट तयार करुन घ्या
- त्यात थोडे मीठ घाला आणि 30 मिनिटे तसेच ठेवून द्या.
- एका बाऊलमध्ये चिकन घ्या, त्यात लाल मिरची पावडर, दही,गरम मसाला,धणे पावडर, हळद,दही, मिरेपूड आणि मीठ घाला आणि ते 30 मिनिटांसाठी मॅरिनेट करा.
- एका नॉन-स्टिक कढईत तेल गरम करा आणि मॅरिनेट केलेले चिकन त्यात घाला आणि ते प्रत्येक बाजूने थोडेसे सोनेरी होईपर्यंत चांगले शिजवून व परतून घ्या, त्यानंतर ते छोट्या छोट्या तुकड्यांमध्ये कापा.
- एका बाऊलमध्ये गाजर, चिकन, कांदा, ढोबळी मिरची व कोथिंबीरीची पाने, काळे मिरीपूड आणि मीठ घ्या व हे सगळे चांगले एकजीव करुन घ्या.
- तवा / कढईत थोडेसे तूप किंवा तेल घाला आणि बेस तयार करण्यासाठी सर्व मिश्रण त्यावर सपाट करुन घाला.
- त्यावर टॉपिंग्ज व किसलेले पनीर / चीज घाला आणि हर्ब्स तसेच चिलीफ्लेक्स घाला. त्यावर काही मिनिटांसाठी झाकण ठेवा. तुमचा पिझ्झा आता खाण्यासाठी तयार आहे!
