चेप्पला पुलुसू
साहित्य:
- मासे – 330 ग्रॅ
- तेल- 10 मिली
- मोहरीचे दाणे- 5 ग्रॅ
- मेथीदाणे- 5 ग्रॅ
- सुक्या मिरच्या – 5 ग्रॅ
- कडीपत्त्याची पाने- 10 ग्रॅ
- कांदा- मध्यम आकाराचे 2 किंवा 200 ग्रॅ
- टोमॅटो- 2 किंवा 150 ग्रॅ
- जिरे पावडर- 1 चमचा
- आले लसूण पेस्ट- 10 ग्रॅ
- हळद- 1 चमचा
- चिंच (सुकी)- 50 ग्रॅ
- हिरव्या मिरच्या (चिर दिलेल्या )- 1
- पाणी- 600 मिली
- कोथिंबीर (चिरलेली) -10 ग्रॅ
- मीठ- चवीनुसार
- लाल मिरची पावडर- चवीनुसार
पोषण मूल्य:
कॅलरीज – 750 किलोकॅलरी
प्रथिने – 66 ग्रॅ
पद्धत:
- माशाचे 1 इंच जाडीचे मध्यम आकाराचे तुकडे करुन घ्या.
- कांदा आणि टोमॅटो चिरुन तयार ठेवा.
- सुकी चिंच ½ कप कोमट पाण्यात काही मिनिटे भिजवून घ्या,
- कोमट पाण्यात चिंच पिळून त्याचा चांगला कोळ काढून घ्या.
- चिंचेचे पाणी गाळून घ्या आणि बाजूला ठेवा. उरलेल्या चिंचेच्या कोळात आणखी 100 मिली कप पाणी घालून तो कोळही घट्ट पिळून घ्या.
- परत गाळून घ्या आणि बाजूला ठेवा. हे चिंचेचे पाणी वापरा.
सूचना- जर चिंचेची पेस्ट वापरत असाल ( दुकानातून आणलेली, दुप्पट घट्ट) तर त्यात फक्त रश्शाच्या म्हणजे करीच्या आवश्यकतेनुसार पाणी घाला. - तुम्हाला आवडणाऱ्या आंबट चवीनुसार चिंचेचा वापर करा.
- एका भांड्यात 2 चमचे तेल गरम करा आणि मोहरीचे दाणे, मेथीचे दाणे, सुक्या लाल मिरच्या तसेच कडीपत्ता घाला, ते काही सेकंद तडतडू द्या.
- बारीक चिरलेला कांदा घाला आणि मध्यम आचेवर कांदा पारदर्शी होईपर्यंत परतून घ्या. आले –लसूण पेस्ट घाला आणि 1 मिनिटं परतून घ्या.
- त्यात हळद पावडर, जिरे पावडर, लाल मिरची पावडर आणि बारीक चिरलेला टोमॅटो घाला. मध्यम आचेवर 4 ते 5 मिनिटे टोमॅटो मऊ होईपर्यंत हे शिजवा.
- 250 मिली. पाणी घाला आणि 5 ते 8 मिनिटे ते उकळू द्या.
- त्यात 100 मिली चिंचेचा कोळ घाला आणि 250 मिली पाणी घाला आणि त्याला 5 मिनिटे उकळू द्या.
- आता या भांड्यात माशाचे तुकडे अत्यंत काळजीपूर्वक ठेवा, त्यात हिरवी मिरची आणि कोथिंबीर घाला.
- हे चमच्याने हलवण्याऐवजी भांडे चांगले काळजीपूर्वक हलवा. म्हणजे माशांचे तुकडे मोडणार नाहीत.
- झाकण ठेवून फिश करी शिजेपर्यंत 10 ते 12 मिनिटे शिजू द्या, मधेमध्ये भांडे गोल फिरवत राहा आणि हलवत राहा.
- करीला दाटसरपणा येईपर्यंत आणि चिंचेचा कच्चेपणा निघून जाईपर्यंत शिजवा.
- गॅसची आच कमी करा, मीठ घाला, झाकण ठेवा आण आता मंद आचेवर 10 ते 12 मिनिटे शिजवा. करी चांगली घट्ट होऊ द्या आणि त्यातून तेल वेगळे सुटायला लागू द्या.
- तुमच्या चवीनुसार मीठ घाला आणि पुन्हा बारीक चिरलेल्या कोथिंबीरीने सजवा.
- आंध्रा चेपला पुलुसू (फिश करी) ही चविष्ट डिश साधा भात किंवा नाचणी मुद्द्यांबरोबर (रागी संकाटी/ रागी संगत) सर्व्ह करा.
