ಹೃದಯ ವೈಫಲ್ಯಗಳನ್ನು ನಿರ್ವಹಿಸುವುದರಲ್ಲಿ ತಂತ್ರಜ್ಞಾನವು ಹೇಗೆ ಸಹಾಯ ಮಾಡಬಹುದು? ಧರಿಸಬಹುದಾದ ವಸ್ತುಗಳು (ವೇರೆಬಲ್ಸ್‌) ಮತ್ತು ದೂರದಿಂದ ಮಾಡುವ ಮೇಲ್ವಿಚಾರಣೆ (ರಿಮೋಟ್‌ ಮಾನಿಟರಿಂಗ್‌)ಗಳ ಪಾತ್ರ

ಹೃದಯ ವೈಫಲ್ಯಗಳ ವಿರುದ್ಧದ ಯುದ್ಧದಲ್ಲಿ, ತಂತ್ರಜ್ಞಾನವು ಓರ್ವ ಪ್ರಬಲ ಮಿತ್ರನಾಗಿ ಮೂಡಿಬಂದಿದ್ದು, ಈ ದೀರ್ಘಕಾಲೀನ ಪರಿಸ್ಥಿತಿಯನ್ನು ನಿರ್ವಹಿಸಲು ಮತ್ತು ರೋಗಿಗಳ ಜೀವನಮಟ್ಟವನ್ನು ಸುಧಾರಿಸಲು ನವೀನ ಮಾರ್ಗಗಳನ್ನು ಒದಗಿಸುತ್ತದೆ.

ಧರಿಸಬಹುದಾದ ವಸ್ತುಗಳು ಮತ್ತು ದೂರದಿಂದಲೇ ಮೇಲ್ವಿಚಾರಣೆ ಮಾಡುವ ವ್ಯವಸ್ಥೆಗಳ ಏಕೀಕರಣವು ಆರೋಗ್ಯರಕ್ಷಣೆಯ ಕ್ಷೇತ್ರದಲ್ಲಿ ಕ್ರಾಂತಿಯನ್ನು ಉಂಟುಮಾಡಿದ್ದು, ಆರೋಗ್ಯ ರಕ್ಷಣೆಯ ವೃತ್ತಿಯಲ್ಲಿರುವವರಿಗೆ ನೈಜ-ಸಮಯದ ದತ್ತಾಂಶವನ್ನು ಮತ್ತು ರೋಗಿಗಳಿಗೆ ವೈಯಕ್ತಿಕವಾದ ಆರೈಕೆಯನ್ನು ಒದಗಿಸುತ್ತದೆ.

ಧರಿಸಬಹುದಾದ ಸಾಧನಗಳು: ರೋಗಿಗಳನ್ನು ದತ್ತಾಂಶದೊಂದಿಗೆ ಸಶಕ್ತಗೊಳಿಸುವುದು

ಸ್ಮಾರ್ಟ್‌ವಾಚ್‌ಗಳು ಮತ್ತು ಫಿಟ್‌ನೆಸ್‌ ಟ್ರ್ಯಾಕರ್‌ಗಳಂತಹ ಧರಿಸಬಹುದಾದ ಸಾಧನಗಳು, ಕೇವಲ ಹೆಜ್ಜೆಗಳನ್ನು ಎಣಿಸುವುದು ಮತ್ತು ಹೃದಯ ಬಡಿತದ ದರವನ್ನು ಮೇಲ್ವಿಚಾರಣೆ ಮಾಡುವ ಹಂತದಿಂದ ಬಹಳಷ್ಟು ಮುಂದೆ ಹೋಗಿದೆ.
ಈಗ ಅವು, ಹೃದಯ ಬಡಿತದ ದರ, ರಕ್ತದೊತ್ತಡ, ಆಕ್ಸಿಜನ್‌ ಸ್ಯಾಚುರೇಶನ್‌ಗಳಂತಹ ಹಲವಾರು ಆರೋಗ್ಯದ ಅಂಶಗಳನ್ನು ನಿರಂತರವಾಗಿ ಮೇಲ್ವಿಚಾರಣೆ ಮಾಡುವ ಮೂಲಕ ಮತ್ತು ಏಟ್ರಿಯಲ್‌ ಫಿಬ್ರಿಲೇಶನ್‌ನಂತಹ ಅನಿಯಮಿತ ಹೃದಯ ಮಿಡಿತಗಳನ್ನೂ ಕೂಡ ಪತ್ತೆ ಮಾಡುವ ಮೂಲಕ ಹೃದಯ ವೈಫಲ್ಯದ ನಿರ್ವಹಣೆಯಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತವೆ.
ಈ ನೈಜ-ಸಮಯದ ದತ್ತಾಂಶಗಳ ಹರಿವುಗಳು ರೋಗಿಗಳಿಗೆ ತಮ್ಮ ಆರೋಗ್ಯದ ಬಗ್ಗೆ ತಾವೇ ಮುಂದಾಗಿ ಕಾಳಜಿ ವಹಿಸಲು ಶಕ್ತರನ್ನಾಗಿಸಿ, ಅವರಿಗೆ ಸಂಭಾವ್ಯ ಸಮಸ್ಯೆಗಳನ್ನು ಮುಂಚಿತವಾಗಿ ಗುರುತಿಸಲು ಮತ್ತು ತ್ವರಿತವಾಗಿ ವೈದ್ಯಕೀಯ ಸಹಾಯವನ್ನು ಪಡೆಯಲು ಸಮರ್ಥರನ್ನಾಗಿ ಮಾಡುತ್ತದೆ.

ದೂರದಿಂದ ಮೇಲ್ವಿಚಾರಣೆ: ಆರೋಗ್ಯ ರಕ್ಷಣೆಯಲ್ಲಿರುವ ಅಂತರಗಳನ್ನು ಕಡಿಮೆ ಮಾಡುವುದು

ದೂರದಿಂದಲೇ ಮೇಲ್ವಿಚಾರಣೆ ಮಾಡುವಂತಹ ವ್ಯವಸ್ಥೆಗಳು ಆರೋಗ್ಯ ರಕ್ಷಣೆಯ ವೃತ್ತಿಯಲ್ಲಿರುವವರಿಗೆ, ಹೃದಯ ವೈಫಲ್ಯದ ರೋಗಿಗಳು ನಿಯಮಿತವಾಗಿ ಕ್ಲಿನಿಕ್‌ಗೆ ಭೇಟಿ ಮಾಡದೆಯೇ ಅವರ ಮೇಲೆ ನಿಕಟವಾಗಿ ಕಣ್ಣಿಡಲು ಅವಕಾಶ ಮಾಡಿಕೊಡುತ್ತದೆ.
ಈ ವ್ಯವಸ್ಥೆಗಳು, ಧರಿಸಬಹುದಾದ ಸಾಧನಗಳಿಂದ ದತ್ತಾಂಶವನ್ನು ಆರೋಗ್ಯ ರಕ್ಷಣೆಯ ವೃತ್ತಿಯಲ್ಲಿರುವವರಿಗೆ ರವಾನಿಸಿ, ಅವರು ರೋಗಿಗಳ ಪ್ರಗತಿಯನ್ನು ಗುರುತಿಸಲು, ಚಿಕಿತ್ಸೆಯ ಕ್ರಮಗಳನ್ನು ಸರಿಹೊಂದಿಸಲು, ಮತ್ತು ಅವಶ್ಯಕವಾದಾಗ ತಾವೇ ಮುಂದಾಗಿ ಮಧ್ಯಪ್ರವೇಶಿಸಲು ಅವರಿಗೆ ಅವಕಾಶ ಮಾಡಿಕೊಡುತ್ತದೆ.
ಇದರ ಪರಿಣಾಮವಾಗಿ, ದೂರದಿಂದ ಮೇಲ್ವಿಚಾರಣೆ ಮಾಡುವುದು ಆಸ್ಪತ್ರೆಗೆ ಮರುದಾಖಲಾಗುವುದನ್ನು ಕಡಿಮೆ ಮಾಡುತ್ತದೆ, ರೋಗಿಗಳು ಸೂಚನೆಗಳ ಅನುಪಾಲನೆ ಮಾಡುವುದನ್ನು ಸುಧಾರಿಸುತ್ತದೆ, ಮತ್ತು ಸಮಯಕ್ಕೆ ಸರಿಯಾದ ವೈದ್ಯಕೀಯ ಆರೈಕೆ ದೊರಕುವುದನ್ನು ಸುಗಮಗೊಳಿಸುತ್ತದೆ.

ಉಲ್ಲೇಖಗಳು:

Chaudhry, S. I., Mattera, J. A., Curtis, J. P., Spertus, J. A., Herrin, J., Lin, Z., … & Krumholz, H. M. (2010). Telemonitoring in patients with heart failure. New England Journal of Medicine, 363(24), 2301-2309.
Marzegalli, M., Lunati, M., Landolina, M., Perego, G. B., Ricci, R. P., Guenzati, G., … & Curnis, A. (2013). Remote monitoring of CRT-ICD: The multicenter Italian CareLink evaluation–ease of use, acceptance, and organizational implications. Pacing and Clinical Electrophysiology, 36(1), 60-68.