ಚೇಪಲ ಪುಲುಸು (ಹುಣಿಸೆ-ಮೀನಿನ ಕರ್ರಿ)
ಬೇಕಾಗುವ ಪದಾರ್ಥಗಳು:
- ಮೀನು – 330ಗ್ರಾಂ
- ಎಣ್ಣೆ – 10 ಮಿ.ಲಿ.
- ಸಾಸಿವೆ ಕಾಳು – 5ಗ್ರಾಂ
- ಮೆಂತೆ ಬೀಜ – 5ಗ್ರಾಂ
- ಒಣಮೆಣಸು – 5 ಗ್ರಾಂ
- ಕರಿಬೇವಿನ ಎಲೆಗಳು – 10 ಗ್ರಾಂ
- ಈರುಳ್ಳಿ – 2 ಮಧ್ಯಮ ಗಾತ್ರ or 200 ಗ್ರಾಂ
- ಟೊಮಾಟೊ – 2 ಅಥವಾ 150 ಗ್ರಾಂ
- ಜೀರಿಗೆ ಪುಡಿ – 1 ಟೀ ಚಮಚ
- ಶುಂಠಿಮತ್ತು ಬೆಳ್ಳುಳ್ಳಿ ಪೇಸ್ಟ್ – 10 ಗ್ರಾಂ
- ಅರಿಶಿನ ಪುಡಿ – 1ಟೀ ಚಮಚ
- ಹುಣಿಸ (ಒಣ) – 50 ಗ್ರಾಂ
- ಹಸಿ ಮೆಣಸು (ಸೀಳಿದ್ದು)– 1
- ನೀರು – 600 ಮಿ.ಲಿ.
- ಕೊತ್ತಂಬರಿ ಸೊಪ್ಪು (ಕತ್ತರಿಸಿದ್ದು) – 10 ಗ್ರಾಂಗಳು
- ಉಪ್ಪು – ರುಚಿಗೆ ತಕ್ಕಷ್ಟು
- ಮೆಣಸಿನ ಪುಡಿ – ರುಚಿಗೆ ತಕ್ಕಷ್ಟು
ಪೌಷ್ಟಿಕಾಂಶ ಮೌಲ್ಯ:
ಕ್ಯಾಲರಿಗಳು – 750 ಕ್ಯಾಲರಿ
ಪ್ರೊಟೀನ್ – 66ಗ್ರಾಂ
ಮಾಡುವ ವಿಧಾನ:
- ಮೀನನ್ನು 1 ಇಂಚು ದಪ್ಪದ ಮಧ್ಯಮ ಗಾತ್ರದ ತುಂಡುಗಳಾಗಿ ಕತ್ತರಿಸಿ.
- ಈರುಳ್ಳಿ ಮತ್ತು ಟೊಮಾಟೊಗಳನ್ನು ಕತ್ತರಿಸಿ ತಯಾರಾಗಿ ಇರಿಸಿಕೊಳ್ಳಿ.
- ಹುಣಿಸೆಯನ್ನು ½ ಕಪ್ ಬೆಚ್ಚಗಿನ ನೀರಿನಲ್ಲಿ ಕೆಲವು ನಿಮಿಷಗಳಷ್ಟು ಕಾಲ ನೆನೆಸಿಡಿ.
- ಹುಣಿಸೆಯನ್ನು ಬೆಚ್ಚಗಿನ ನೀರಿನಲ್ಲಿ ಚೆನ್ನಾಗಿ ಕಿವುಚಿ ಹುಣಿಸೆ ನೀರನ್ನು ಹಿಂಡಿಕೊಳ್ಳಿ.
- ಹುಣಿಸೆ ನೀರನ್ನು ಬಸಿದು ಪಕ್ಕಕ್ಕೆ ಇರಿಸಿ. 100 ಮಿ.ಲಿ. ನೀರನ್ನು ಸೇರಿಸಿ ಹುಣಿಸೆಯಿಂದ ಉಳಿದ ಸಾರವನ್ನು ಕಿವುಚಿ.
- ಪುನಃ ಬಸಿದು ಪಕ್ಕಕ್ಕೆ ಇರಿಸಿ. ಹುಣಿಸೆ ನೀರನ್ನು ಬಳಸಿ
ಗಮನಿಸಿ: ಹುಣಿಸೆಯ ಪೇಸ್ಟ್ (ದಪ್ಪನೆಯ ಮತ್ತು ಎರಡು ಪಟ್ಟು ಸಾಂದ್ರವಾಗಿರುವುದು, ಅಂಗಡಿಯಿಂದ ಖರೀದಿಸಿದ್ದು) ಅನ್ನು ಬಳಸುವುದಾದರೆ, ಕರ್ರಿಯ ಅಗತ್ಯಕ್ಕೆ ಅನುಗುಣವಾಗಿ ಕೇವಲ ನೀರು ಸೇರಿಸಿ. - ನೀವು ಬಯಸುವ ಹುಳಿ ರುಚಿಗೆ ತಕ್ಕಂತೆ ಹುಣಿಸೆಯನ್ನು ಬಳಸಿ.
- ಒಂದು ಪಾತ್ರೆಯಲ್ಲಿ 2 ಟೀ ಚಮಚ ಎಣ್ಣೆಯನ್ನು ಕಾಯಿಸಿ ಹಾಗೂ ಸಾಸಿವೆ, ಮೆಂತೆ ಬೀಜ, ಒಣ ಮೆಣಸು, ಮತ್ತು ಕರಿಬೇವಿನ ಎಲೆಗಳನ್ನು ಸೇರಿಸಿ ಕೆಲವು ಕ್ಷಣ ಅವು ಸಿಡಿಯಲು ಬಿಡಿ.
- ಹೆಚ್ಚಿದ ಈರುಳ್ಳಿ ಸೇರಿಸಿ, ಮಧ್ಯಮ ಉರಿಯಲ್ಲಿ ಈರುಳ್ಳಿಯು ಪಾರದರ್ಶಕವಾಗುವ ತನಕ ಹುರಿದುಕೊಳ್ಲಿ. ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ 1 ನಿಮಿಷಗಳ ಕಾಲ ಹುರಿಯಿರಿ.
- ಅರಿಶಿನ ಪುಡಿ, ಜೀರಿಗೆ ಪುಡಿ, ಕೆಂಪು ಮೆಣಸಿನ ಪುಡಿ ಮತ್ತು ಹೆಚ್ಚಿದ ಟೊಮಾಟೊಗಳನ್ನು ಸೇರಿಸಿ. 4 ರಿಂದ 5 ನಿಮಿಷಗಳ ಕಾಲ ಅಥವಾ ಟೊಮಾಟೋ ಮೃದವಾಗುವ ತನಕ ಮಧ್ಯಮ ಉರಿಯಲ್ಲಿ ಬೇಯಿಸಿ.
- 250 ಮಿ.ಲಿ. ನೀರು ಸೇರಿಸಿ. ಅದು 5 ರಿಂದ 8 ನಿಮಿಷಗಳಷ್ಟು ಕಾಲ ಕುದಿಯಲಿ.
- 100 ಮಿ.ಲಿ. ಹುಣಿಸೆ ಸಾರ ಮತ್ತು 250 ಮಿ.ಲಿ. ನೀರು ಸೇರಿಸಿ, ಅದನ್ನು ಕುದಿತಕ್ಕೆ ತನ್ನಿ ಮತ್ತು 5 ನಿಮಿಷಗಳವರೆಗೆ ಕುದಿಯಲು ಬಿಡಿ.
- ಈಗ, ಪಾತ್ರೆಯಲ್ಲಿ ಎಚ್ಚರಿಕೆಯಿಂದ ಮೀನಿನ ತುಂಡುಗಳನ್ನು ಇರಿಸಿ ಹಾಗು ಹಸಿ ಮೆಣಸು ಮತ್ತು ಕೊತ್ತಂಬರಿ ಸೊಪ್ಪು ಸೇರಿಸಿ.
- ಅದನ್ನು ಚಮಚದಲ್ಲಿ ಮಿಶ್ರ ಮಾಡುವ ಬದಲಿಗೆ, ಮೀನುಗಳು ತುಂಡಾಗದಂತೆ ಪಾತ್ರೆಯನ್ನು ಚೆನ್ನಾಗಿ ಅಲ್ಲಾಡಿಸಿ.
- ಮುಚ್ಚಳ ಮುಚ್ಚಿ, ಮೀನಿನ ಕರ್ರಿ ಬೇಯುವ ತನಕ, 10 ರಿಂದ 12 ನಿಮಿಷಗಳ ಕಾಲ ಬೇಯಿಸಿ. ನಡುನಡುವೆ ಪಾತ್ರೆಯನ್ನು ತಿರುಗಿಸಿ ಮತ್ತು ಅದನ್ನು ಸ್ವಲ್ಪ ಅಲ್ಲಾಡಿಸಿ.
- ಕರ್ರಿಯು ಮಂದತೆಗೆ ಬರುವವರೆಗೆ ಮತ್ತು ಹುಣಿಸೆಯ ಕಚ್ಚಾ ರುಚಿ ಹೋಗುವವರೆಗೂ ಬೇಯಿಸಿ.
- ಉರಿಯನ್ನು ಕಡಿಮೆ ಮಾಡಿ, ಉಪ್ಪು ಸೇರಿಸಿ ಮುಚ್ಚಿ ಮತ್ತು 10 ರಿಂದ 12 ನಿಮಿಷಗಳ ಕಾಲ ಕಡಿಮೆ ಉರಿಯಲ್ಲಿ ಬೇಯಿಸಿ. ಸಾಸ್ ದಪ್ಪವಾಗಲಿ ಮತ್ತು ಎಣ್ಣೆ ಬೇರೆಯಾಗುವ ತನಕ ಬೇಯಿಸಿ.
- ಉಪ್ಪನ್ನು ಸರಿ ಮಾಡಿ ಮತ್ತು ಹೆಚ್ಚಿದ ಕೊತ್ತಂಬರಿ ಸೊಪ್ಪಿನಿಂದ ಪುನಃ ಅಲಂಕರಿಸಿ.
- ಈ ರುಚಿಕರವಾದ ಆಂಧ್ರ ಚೇಪಲ ಪುಲುಸು (ಫಿಶ್ ಕರ್ರಿ) ಯನ್ನು ಅನ್ನ ಅಥವಾ ರಾಗಿ ಸಂಕಟಿ/ರಾಗಿ ಸಂಗತ್ ಜೊತೆಗೆ ಬಡಿಸಿ.
