ಹೃದಯ ವೈಫಲ್ಯ ಎನ್ನುವುದು ವಿಶ್ವದಾದ್ಯಂತವಾಗಿ ಸಹಸ್ರಾರು ಜನರನ್ನು ಬಾಧಿಸುವ ಗಂಭೀರವಾ ವೈದ್ಯಕೀಯ ಸ್ಥಿತಿಯಾಗಿದೆ. ಅನೇಕ ವ್ಯಕ್ತಿಗಳು ಹೃದಯ ವೈಫಲ್ಯದೊಂದಿಗೆ ಜೀವನ ನಡೆಸಬಹುದಾದರೂ, ಮತ್ತು ತಮ್ಮ ರೋಗಲಕ್ಷಣಗಳನ್ನು ಪರಿಣಾಮಕಾರಿಯಾಗಿ ನಿಭಾಯಿಸಬಹುದಾದರೂ, ಈ ಪರಿಸ್ಥಿತಿಯು ವೈದ್ಯಕೀಯ ತುರ್ತುಸ್ಥಿತಿಗೆ ಏರಿಕೆಯಾಗುವ ಸಂದರ್ಭಗಳೂ ಇವೆ.
ಹೃದಯ ವೈಫಲ್ಯದ ತುರ್ತುಸ್ಥಿತಿಗಳ ಎಚ್ಚರಿಕೆ ಚಿಹ್ನೆಗಳನ್ನು ಗುರುತಿಸುವುದು ಮತ್ತು ತಕ್ಷಣದ ವೈದ್ಯಕೀಯ ಆರೈಕೆಯನ್ನು ಯಾವಾಗ ಪಡೆದುಕೊಳ್ಳಬೇಕು ಎಂದು ತಿಳಿದಿರುವುದರಿಂದ ಜೀವ ಉಳಿಸುವ ಸಾಧ್ಯತೆ ಇರುತ್ತದೆ.
ಹೃದಯ ವೈಫಲ್ಯದ ತುರ್ತುಸ್ಥಿತಿಯನ್ನು ಸೂಚಿಸುವಂತಹ ಕೆಲವು ನಿರ್ಣಾಯಕ ರೋಗಲಕ್ಷಣಗಳನ್ನು ನಾವೀಗ ನೋಡೋಣ ಮತ್ತು ತಕ್ಷಣದ ವೈದ್ಯಕೀಯ ಸಹಾಯವನ್ನು ಪಡೆದುಕೊಳ್ಳಬೇಕಾದ ಜರೂರನ್ನು ತಿಳಿದುಕೊಳ್ಳೋಣ.
- ಇದ್ದಕ್ಕಿದ್ದಂತೆ ಉಸಿರಾಟದ ತೊಂದರೆ ಆಗುವುದು
- ಎದೆ ನೋವು ಅಥವಾ ಅಸ್ವಸ್ಥತೆ
- ಕ್ಷಿಪ್ರವಾದ ಅಥವಾ ಅನಿಯಮಿತವಾದ ಹೃದಯಮಿಡಿತ
- ಅತಿಯಾದ ಆಯಾಸ ಮತ್ತು ದೌರ್ಬಲ್ಯ
ತಕ್ಷಣದ ವೈದ್ಯಕೀಯ ಸೇವೆಯನ್ನು ಯಾವಾಗ ಪಡೆದುಕೊಳ್ಳಬೇಕು:
ಮೇಲೆ ನಮೂದಿಸಿದ ಎಚ್ಚರಿಕೆಯ ಚಿಹ್ನೆಗಳನ್ನು ನೀವು ಅಥವಾ ನಿಮಗೆ ತಿಳಿದಿರುವ ಯಾರಾದರೂ ವ್ಯಕ್ತಿಗಳು ಅನುಭವಿಸುತ್ತಿದ್ದರೆ, ತಕ್ಷಣದ ವೈದ್ಯಕೀಯ ಸೇವೆಯನ್ನು ಪಡೆದುಕೊಳ್ಳುವುದು ಅತ್ಯಗತ್ಯವಾಗಿದೆ.
ಹೃದಯ ವೈಫಲ್ಯದ ತುರ್ತುಸ್ಥಿತಿಗಳು ಮಾರಣಾಂತಿಕವಾಗುವಂತಹ ತೊಡಕುಗಳಾಗದಂತೆ ತಡೆಗಟ್ಟಲು ತ್ವರಿತ ವೈದ್ಯಕೀಯ ಸಹಾಯವು ಅಗತ್ಯವಾಗಿದೆ.
ನೆನಪಿಡಿ, ಹೃದಯ ವೈಫಲ್ಯದ ತುರ್ತುಸ್ಥಿತಿಯಿರುವುದಾಗಿ ನಿಮಗೆ ಸಂಶಯವಿದ್ದರೆ, ತುರ್ತುಸ್ಥಿತಿಯ ಸೇವೆಗಳಿಗೆ ಕರೆ ಮಾಡಲು ಅಥವಾ ಅತ್ಯಂತ ಸಮೀಪದ ತುರ್ತುಸ್ಥಿತಿ ಕೊಠಡಿಗೆ ಹೋಗಲು ಹಿಂಜರಿಯದಿರಿ. ಸಮಯಕ್ಕೆ ಸರಿಯಾದ ಚಿಕಿತ್ಸೆಯಿಂದ ಫಲಿತಾಂಶದಲ್ಲಿ ಗಮನಾರ್ಹವಾದ ವ್ಯತ್ಯಾಸ ಉಂಟಾಗಬಹುದು ಮತ್ತು ಪೂರ್ತಿಯಾಗಿ ಚೇತರಿಸಿಕೊಳ್ಳುವ ಸಾಧ್ಯತೆಗಳನ್ನು ಸುಧಾರಿಸಬಹುದು.
ಉಲ್ಲೇಖಗಳು:
- American Heart Association. Warning Signs of Heart Failure. https://www.heart.org/en/health-topics/heart-failure/warning-signs-of-heart-failure
- Mayo Clinic. Heart Failure. https://www.mayoclinic.org/diseases-conditions/heart-failure/symptoms-causes/syc-20373142