ಚಿಕನ್‌ ಕ್ವಿನೋವ ಸಲಾಡ್
ಬೇಕಾಗುವ ಪದಾರ್ಥಗಳು:
- ಚಿಕನ್‌ ಎದೆಭಾಗ -50 ಗ್ರಾಂ
- ಕ್ವಿನೊವ – 30ಗ್ರಾಂ
- ಟೊಮಾಟೊ -1/2 ಲೆಕ್ಕ (65 ಗ್ರಾಂ)
- ಗ್ರೀನ್‌ ಬೆಲ್ ಪೆಪ್ಪರ್ -1/4 ಲೆಕ್ಕ (30 ಗ್ರಾಂ)
- ಈರುಳ್ಳಿ - 3/4 ಕಪ್ (150 ಗ್ರಾಂ)
- ಎಣ್ಣೆ - 1 ಟೇಬಲ್‌ ಚಮಚ
- ಲಿಂಬೆ ರಸ -1 ಟೇಬಲ್‌ ಚಮಚ
ಪೌಷ್ಟಿಕಾಂಶ ಮೌಲ್ಯ:
ಕ್ಯಾಲರಿಗಳು - 260 ಕ್ಯಾಲರಿ
ಪ್ರೊಟೀನ್ – 15.5 ಗ್ರಾಂ
ಮಾಡುವ ವಿಧಾನ:
- ಕ್ವಿನೊವವನ್ನು 3-4 ಗಂಟೆಗಳ ಕಾಲ ನೆನೆಸಿಡಿ.
- ಒಂದು ಪ್ಯಾನ್‌ ತೆಗೆದುಕೊಂಡು 2 ಕಪ್ಗಳಷ್ಟು ನೀರು ಮತ್ತು ಚಿಟಿಕೆ ಉಪ್ಪನ್ನು ಸೇರಿಸಿ. ಕ್ವಿನೊವವನ್ನು ಸೇರಿಸಿ ಅದು ಮೃದುವಾಗುವವರೆಗೆ ಬೇಯಿಸಿ.
- ಚಿಕನ್‌ ಅನ್ನು 15-20 ನಿಮಿಷಗಳಷ್ಟು ಕಾಲ ಪ್ರೆಷರ್‌ ಕುಕ್ಕರ್‌ನಲ್ಲಿ ಬೇಯಿಸಿ. ಮುಚ್ಚಳ ತೆಗೆದು ಸ್ವಲ್ಪ ಸಮಯ ಅದನ್ನು ಆರಲು ಬಿಡಿ.
- ಈ ಮಧ್ಯ, ಮೇಲೆ ಹೇಳಿದ ಎಲ್ಲ ತರಕಾರಿಗಳನ್ನು ಹೆಚ್ಚಿಡಿ.
- ಎಲ್ಲವನ್ನು ಒಟ್ಟಿಗೆ ಜೋಡಿಸಿ – ಒಂದು ಬಟ್ಟಲಿನಲ್ಲಿ ಕ್ವಿನೊವ, ಚಿಕನ್‌ ಮತ್ತು ಕತ್ತರಿಸಿದ ತರಕಾರಿಗಳನ್ನು ಒಟ್ಟಿಗೆ ಮಿಶ್ರ ಮಾಡಿ, ರುಚಿಗೆ ತಕ್ಕಂತೆ ಒಗ್ಗರಣೆ ಮತ್ತು ಲಿಂಬೆ ರಸ ಸೇರಿಸಿ.
- ತಾಜಾ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ.
