ವಿವಿಧ ರೀತಿಯ ಅಂಶಗಳಿಂದ ರಕ್ತದ ಸಕ್ಕರೆ (ಗ್ಲೂಕೋಸ್) ಮಟ್ಟವು ನೈಸರ್ಗಿಕವಾಗಿ ದಿನವಿಡೀ ಏರಿಳಿತಗೊಳ್ಳುತ್ತದೆ. ಸಣ್ಣ ವ್ಯತ್ಯಾಸಗಳು ಸಹಜ ಮತ್ತು ಗಮನಕ್ಕೆ ಬರದೆ ಹೋಗಬಹುದು, ಅಪಾಯಕಾರಿಯಾಗಿ ರಕ್ತದಲ್ಲಿನ ಕಡಿಮೆ ಸಕ್ಕರೆಯ ಮಟ್ಟವು ಗಂಭೀರ ಸಮಸ್ಯೆಯನ್ನು ಉಂಟುಮಾಡಬಹುದು. ರಕ್ತದ ಸಕ್ಕರೆಯು ಆರೋಗ್ಯಕರ ಮಟ್ಟಕ್ಕಿಂತ ಕಡಿಮೆಯಾದಾಗ, ಅದನ್ನು ಹೈಪೋಗ್ಲೈಸೀಮಿಯಾ ಎಂದು ಕರೆಯಲಾಗುತ್ತದೆ ಮತ್ತು ಅದನ್ನು ಅಗತ್ಯ ಮಟ್ಟಕ್ಕೆ ಮರಳಿ ತರಲು ತಕ್ಷಣದ ಕ್ರಮದ ಅಗತ್ಯವಿದೆ.

ಇನ್ಸುಲಿನ್ ಅಥವಾ ಕೆಲವು ಮೌಖಿಕ ಮಧುಮೇಹ ಔಷಧಿಗಳನ್ನು ತೆಗೆದುಕೊಳ್ಳುವ ಮಧುಮೇಹ ಹೊಂದಿರುವ ಜನರಲ್ಲಿ ಹೈಪೋಗ್ಲೈಸೀಮಿಯಾ ಸಾಮಾನ್ಯವಾಗಿ ಕಂಡುಬರುತ್ತದೆ. ಇದು ಅಸಹಜವಾಗಿ ರಕ್ತದಲ್ಲಿನ ಕಡಿಮೆ ಸಕ್ಕರೆಯ ಮಟ್ಟದಿಂದ ಸರಿಯಾಗಿ ಕಾರ್ಯನಿರ್ವಹಿಸುವ ದೇಹದ ಸಾಮರ್ಥ್ಯವನ್ನು ದುರ್ಬಲಗೊಳಿಸುತ್ತದೆ. ನೀವು ಇನ್ಸುಲಿನ್ ಅಥವಾ ಮಧುಮೇಹ ಔಷಧಿಗಳನ್ನು ಬಳಸುತ್ತಿರುವಾಗ ಹೈಪೋಗ್ಲೈಸೀಮಿಯಾ ರೋಗಲಕ್ಷಣಗಳನ್ನು ಅನುಭವಿಸಿದರೆ, ಉದಾಹರಣೆಗೆ ನಡುಗುವಿಕೆ, ತಲೆತಿರುಗುವಿಕೆ, ಬೆವರುವುದು ಅಥವಾ ಹಸಿವು ಇತ್ಯಾದಿಗಳು ಕಂಡುಬಂದರೆ, ಗ್ಲೂಕೋಸ್ ಮೀಟರ್ ಅನ್ನು ಬಳಸಿಕೊಂಡು ನಿಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಪರೀಕ್ಷಿಸುವುದು ಅತ್ಯಗತ್ಯ. ಫಲಿತಾಂಶವು ಕಡಿಮೆ ರಕ್ತದ ಸಕ್ಕರೆಯನ್ನು ಸೂಚಿಸಿದರೆ (70 mg/dL ಗಿಂತ ಕಡಿಮೆ), ಸೂಕ್ತ ಕ್ರಮಗಳನ್ನು ತೆಗೆದುಕೊಳ್ಳಿ.

ಹೈಪೋಗ್ಲೈಸೀಮಿಯಾ ಆರಂಭಿಕ ಚಿಹ್ನೆಗಳನ್ನು ತಕ್ಷಣವೇ ಪರಿಹರಿಸಿಕೊಳ್ಳಬೇಕು. ಗ್ಲೂಕೋಸ್ ಮಾತ್ರೆಗಳು, ಸಕ್ಕರೆ ಮಿಠಾಯಿಗಳು, ಜೆಲ್ ಮಿಠಾಯಿಗಳು, ಜ್ಯೂಸ್ ಅಥವಾ ಜೇನುತುಪ್ಪದಂತಹ 15 ಗ್ರಾಂ ಕಾರ್ಬೋಹೈಡ್ರೇಟ್‌ಗಳನ್ನು ಸೇವಿಸುವುದರಿಂದ ಮನೆಯಲ್ಲಿ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಸ್ಥಿರಗೊಳಿಸಲು ಸಹಾಯ ಮಾಡುತ್ತದೆ. ಪ್ರಜ್ಞೆ ಕಳೆದುಕೊಳ್ಳುವಿಕೆಯ ಮೇಲೆ ಪರಿಣಾಮ ಬೀರುವ ತೀವ್ರತರವಾದ ಪ್ರಕರಣಗಳಲ್ಲಿ, ತಕ್ಷಣದ ವೈದ್ಯಕೀಯ ಚಿಕಿತ್ಸೆಯನ್ನು ಪಡೆಯಬೇಕು ಮತ್ತು ಗ್ಲೂಕೋಸ್ ಅನ್ನು ಇಂಜೆಕ್ಷನ್ ಅಥವಾ ಇಂಟ್ರಾವೆನಸ್ ದ್ರವಗಳ ಮೂಲಕ ಪಡೆಯಬಹುದು.

ಡಯಾಬಿಟಿಕ್ ಹೈಪೋಗ್ಲೈಸೀಮಿಯಾಗೆ ಸಾಮಾನ್ಯ ಕಾರಣಗಳೆಂದರೆ ಅತಿಯಾದ ಇನ್ಸುಲಿನ್ ಅಥವಾ ಮಧುಮೇಹ ಔಷಧಿ, ಅಗತ್ಯವಿರುವಷ್ಟು ಆಹಾರವನ್ನು ಸೇವಸದಿರುವುದು, ಊಟ ಅಥವಾ ತಿಂಡಿಯನ್ನು ತಡವಾಗಿ ಸೇವಿಸುವುದು ಅಥವಾ ಸೇವಿಸದೇ ಇರುವುದು, ಔಷಧಿ ಅಥವಾ ಆಹಾರಕ್ಕೆ ಹೊಂದಾಣಿಕೆಗಳಿಲ್ಲದೆ ಹೆಚ್ಚಿದ ದೈಹಿಕ ಚಟುವಟಿಕೆ, ಮತ್ತು ಆಲ್ಕೊಹಾಲ್ ಸೇವನೆ. ಹೈಪೋಗ್ಲೈಸೀಮಿಯೋ ಮೆದುಳಿನ ಮೇಲೆ ಪರಿಣಾಮ ಬೀರಬಹುದು, ಇದು ಗೊಂದಲ, ಏಕಾಗ್ರತೆಯ ಅಸಮರ್ಥತೆ, ಕಿರಿಕಿರಿ, ತಲೆನೋವು ಮತ್ತು ದೃಷ್ಟಿ ಅಡಚಣೆಗಳಂತಹ ರೋಗಲಕ್ಷಣಗಳಿಗೆ ಕಾರಣವಾಗುತ್ತದೆ.

ಮಧುಮೇಹ ಹೈಪೋಗ್ಲೈಸೀಮಿಯಾವನ್ನು ತಡೆಗಟ್ಟಲು, ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಮಿತವಾಗಿ ಮೇಲ್ವಿಚಾರಣೆ ಮಾಡುವುದು, ಸರಿಯಾದ ಊಟ ಮತ್ತು ತಿಂಡಿ ವೇಳಾಪಟ್ಟಿಗಳನ್ನು ಅನುಸರಿಸುವುದು, ಸೂಚಿಸಿದಂತೆ ಔಷಧಿಗಳನ್ನು ತೆಗೆದುಕೊಳ್ಳುವುದು, ದೈಹಿಕ ಚಟುವಟಿಕೆಯಲ್ಲಿ ತೊಡಗಿರುವಾಗ ಔಷಧಿಗಳನ್ನು ಹೊಂದಿಕೊಳ್ಳುವಂತೆ ನೋಡಿಕೊಳ್ಳುವುದು ಅಥವಾ ತಿಂಡಿಗಳನ್ನು ಹೆಚ್ಚಿಸುವುದು, ಕಡಿಮೆ ಗ್ಲೂಕೋಸ್ ಪ್ರತಿಕ್ರಿಯೆಗಳ ದಾಖಲೆಯನ್ನು ಇಟ್ಟುಕೊಳ್ಳುವುದು ಮತ್ತು ತುರ್ತು ಸಂದರ್ಭಗಳಲ್ಲಿ ಮಧುಮೇಹವನ್ನು ಗುರುತಿಸುವ ಸಾಧನಗಳನ್ನು ಜೊತೆಯಲ್ಲಿ ಕೊಂಡೊಯ್ಯುವುದು ಬಹಳ ಮುಖ್ಯ.

ಈ ಮೇಲಿನ ತಡೆಗಟ್ಟುವ ಕ್ರಮಗಳನ್ನು ಅನುಸರಿಸುವ ಮೂಲಕ ಮತ್ತು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಎಚ್ಚರಿಕೆಯಿಂದ ನಿಯಂತ್ರಿಸುವ ಮೂಲಕ, ಮಧುಮೇಹ ಹೊಂದಿರುವ ವ್ಯಕ್ತಿಗಳು ಹೈಪೊಗ್ಲಿಸಿಮಿಯಾ ಮತ್ತು ಅದರ ಸಂಬಂಧಿತ ತೊಡಕುಗಳ ಅಪಾಯವನ್ನು ಕಡಿಮೆ ಮಾಡಬಹುದು^16,17