ಕಾಡುಗೋಧಿ ಹಿಟ್ಟಿನ ಪನೀರ್ ಮಸಾಲಾ ದೋಸೆ
ಬೇಕಾಗುವ ಪದಾರ್ಥಗಳು:
- ಕಾಡುಗೋಧಿ ಹಿಟ್ಟು – 2 ಕಪ್
- ಮೊಸರು – ½ ಕಪ್
- ಸಾಮೆ ಅಕ್ಕಿ– 2 ಕಪ್ಗಳು
- 2 ಬೇಯಿಸಿದ ಆಲೂಗಡ್ಡೆ
- ½ tsp ಕೆಂಪು ಮೆಣಸಿನ ಹುಡಿ
- 2 ಹೆಚ್ಚಿದ ಹಸಿಮೆಣಸು
- ½ tsp ಅರಿಶಿನ ಹುಡಿ
- ½ tsp ಕೊತ್ತಂಬರಿ ಹುಡಿ
- ½ tsp ಸಾಸಿವೆ
- ಉಪ್ಪು ರುಚಿಗೆ (ಸೈಂದವ ಲವಣ ಬಳಸಿ)
- 2 tbsp ಎಣ್ಣೆ
ಪೌಷ್ಟಿಕಾಂಶ ಮೌಲ್ಯ:
ಶಕ್ತಿ: 210 ಕಿಲೋಕ್ಯಾಲರಿ
ಪ್ರೊಟೀನ್: 4 ಗ್ರಾಂ
ಮಾಡುವ ವಿಧಾನ:
ಆಲೂಗಡ್ಡೆ ಪನೀರ್ ಫಿಲ್ಲಿಂಗ್ ಮಾಡಲು:
- 1.5 tbsp ಎಣ್ಣೆಯನ್ನು ಪ್ಯಾನ್ ಒಂದರಲ್ಲಿ ಹಾಕಿ ಸಾಸಿವೆ ಸಿಡಿಸಿ, ನಂತರ ಇದಕ್ಕೆ ಅರಿಶಿನ ,ಉಪ್ಪು ಮತ್ತು ಆಲೂಗಡ್ಡೆಯನ್ನು ಹಾಕಿ.
- ಆಲೂಗಡ್ಡೆಯನ್ನು ಅರಿಶಿನ, ಮೆಣಸಿನ ಹುಡಿ, ಹಸಿಮೆಣಸು, ಕೊತ್ತಂಬರಿ ಹುಡಿ ಮತ್ತು ಸಾಸಿವೆಯೊಂದಿಗೆ ಚೆನ್ನಾಗಿ ಬೆರೆಸಿ.
- ಆಲೂಗಡ್ಡೆಯು ಚೆನ್ನಾಗಿ ಬೆಂದು ಕಂದು ಬಣ್ಣಕ್ಕೆ ತಿರುಗುವ ತನಕ 2-3 ನಿಮಿಷಗಳ ಕಾಲ ಮಧ್ಯಮ ಉರಿಯಲ್ಲಿ ಬೇಯಿಸಿ. ಉರಿಯನ್ನು ಆಫ್ ಮಾಡಿ, ಇದಕ್ಕೆ ತುರಿದ ಪನೀರ್ ಮತ್ತು ಹೆಚ್ಚಿದ ಕೊತ್ತಂಬರಿಯನ್ನು ಸೇರಿಸಿ. ಎಲ್ಲವೂ ಚೆನ್ನಾಗಿ ಬೆರೆಯುವಂತೆ ಮಿಶ್ರಣ ಮಾಡಿ.
ದೋಸೆ ಮಾಡಲು:
- ಸಾಮೆ ಅಕ್ಕಿಯನ್ನು 1-2 ಗಂಟೆಗಳ ಕಾಲ ನೆನೆಸಿಡಿ.
- ಹ್ಯಾಂಡ್ ಬ್ಲೆಂಡರ್ ಬಳಸಿಕೊಂಡು ಕಾಡುಗೋಧಿ ಮತ್ತು ಸಾಮೆಯನ್ನು ಒಟ್ಟಿಗೆ ರುಬ್ಬಿ.
- ಇದಕ್ಕೆ ಯೋಗರ್ಟ್, ನೀರು, ಉಪ್ಪು ಮತ್ತು ಕಾಡು ಗೋಧಿ ಹಿಟ್ಟು ಮತ್ತು ಸಾಮೆ ಅಕ್ಕಿಯನ್ನು ಬೆರೆಸಿ ನುಣ್ಣಗಿನ ಹಿಟ್ಟು ತಯಾರಿಸಿ. ಹಿಟ್ಟು ತುಸು ಗಟ್ಟಿ ಇರಬೇಕು. ಇದನ್ನು ಬದಿಯಲ್ಲಿಇರಿಸಿ.
- ದೊಡ್ಡ ನಾನ್ ಸ್ಟಿಕ್ ಪ್ಯಾನ್ನಲ್ಲಿ ½ tsp ಎಣ್ಣೆಯನ್ನು ಹಾಕಿ ಒಂದು ನಿಮಿಷಗಳ ಕಾಲ ಬಿಸಿ ಮಾಡಿ.
- ಸುಮಾರು 2 ಸೌಟು ಹಿಟ್ಟನ್ನು ಹಾಕಿ ದೊಸೆಯಂತೆ ಹರಡಿ
- 2 ನಿಮಿಷಗಳ ಕಾಲ ಸಣ್ಣ ಉರಿಯಲ್ಲಿ ಬೇಯಿಸಿ.
- ದೋಸೆಯನ್ನು ಹಗುರವಾಗಿ ಮಗುಚಿ ಹಾಕಿ ಮತ್ತು ಇನ್ನೊಂದು ಬದಿಯನ್ನು 2 ನಿಮಿಷಗಳ ಕಾಲ ಬೇಯಿಸಿ.
- ಸರಿಯಾಗಿ ಬೆಂದ ನಂತರ, ಆಲೂಗಡ್ಡೆ ಮತ್ತು ಪನೀರ್ ಫಿಲ್ಲಿಂಗ್ ಅನ್ನು ಮಧ್ಯದಲ್ಲಿ ಹಾಕಿ ದೋಸೆಯನ್ನು ಮಡಚಿ.
- ಬಿಸಿ ಬಿಸಿಯಾಗಿ ಸರ್ವ್ ಮಾಡಿ.
