ಹೈಪರ್‌ಗ್ಲೈಸೀಮಿಯ ಎಂದರೆ ರಕ್ತದಲ್ಲಿನ ಸಕ್ಕರೆ ಮಟ್ಟದ ಏರಿಕೆಯಾಗಿದ್ದು, ಇದು ಸಮಾನ್ಯವಾಗಿ ಮಧುಮೇಹಕ್ಕೆ ಸಂಬಂಧಿಸಿದ್ದಾಗಿದೆ, ಹಾಗೆಯೇ ಹೈಪೋಗ್ಲೈಸೀಮಿಯಾ ಎಂದರೆ, ರಕ್ತದ ಸಕ್ಕರೆ ಮಟ್ಟದ ಕುಸಿತ, ಇದು ಗೊಂದಲ, ಬೆವರು ಮುಂತಾದ ಲಕ್ಷಣಗಳನ್ನು ಉಂಟುಮಾಡುತ್ತದೆ. ಒಟ್ಟಾರೆ ಆರೋಗ್ಯಕ್ಕಾಗಿ ಅದರಲ್ಲೂ ವಿಶೇಷವಾಗಿ ಮಧುಮೇಹ ಹೊಂದಿರುವ ವ್ಯಕ್ತಿಗಳಿಗೆ ಸಮತೋಲಿತ ರಕ್ತದ ಸಕ್ಕರೆ ಮಟ್ಟದ ಸಮತೋಲನವನ್ನು ಕಾಪಾಡಿಕೊಳ್ಳುವುದು ಅತೀ ಅಗತ್ಯ.

ಮಧುಮೇಹ ಹೊಂದಿರುವವರಲ್ಲಿ ಕೆಲವು ದಿನಗಳು ಮತ್ತು ವಾರಗಳ ನಂತರ ನಿಧಾನವಾಗಿ ಹೈಪರ್‌ಗ್ಲೇಸೋಮಿಯಾ ಲಕ್ಷಣಗಳು ಕಾಣಿಸಿಕೊಳ್ಳಲಾರಂಭಿಸುತ್ತವೆ. ಕೆಲವೊಂದು ಪ್ರಕರಣಗಳಲ್ಲಿ, ರಕ್ತದಲ್ಲಿ ಸಕ್ಕರೆ ಮಟ್ಟವು ಅತ್ಯಂತ ಅಧಿಕ ಮಟ್ಟಕ್ಕೆ ತಲುಪುವ ತನಕ ಯಾವುದೇ ಲಕ್ಷಣಗಳು ಕಾಣಿಸಿಕೊಳ್ಳದಿರಬಹುದು.

ಹೈಪರ್‌ಗ್ಲೈಸೀಮಿಯಾ ಲಕ್ಷಣಗಳು ಇವುಗಳನ್ನು ಒಳಗೊಂಡಿವೆ:

ಈ ಕೆಳಗಿನ ಕಾರಣಗಳಿಂದಾಗಿ ಹೈಪರ್‌ಗ್ಲೈಸೀಮಿಯ ಉಂಟಾಗಬಹುದು:

• ಮಧುಮೇಹ
  o ಟೈಪ್ 1 ಮಧುಮೇಹದಲ್ಲಿ, ಮೇದೋಜೀರಕ ಗ್ರಂಥಿಯು ಇನ್ಸುಲಿನ್ ಉತ್ಪಾದಿಸಲು ಅಸಮರ್ಥವಾಗಿರುತ್ತದೆ.
  o ಟೈಪ್ 2 ಮಧುಮೇಹದಲ್ಲಿ, ರಕ್ತದ ಸಕ್ಕರೆಯನ್ನು ಸ್ಥಿರವಾಗಲು ಸಾಕಷ್ಟು ಇನ್ಸುಲಿನ್ ಅನ್ನು ಉತ್ಪಾದಿಸುವುದಿಲ್ಲ.
  o ಎರಡೂ ಪರಿಸ್ಥಿತಿಗಳಲ್ಲಿ, ರಕ್ತದಲ್ಲಿ ಗ್ಲೂಕೋಸ್ ಅಧಿಕವಾಗಿ ಹೈಪರ್‌ಗ್ಲೈಸೀಮಿಯಾ ಉಂಟಾಗುತ್ತದೆ.
• ಒತ್ತಡ
• ಶೀತದಂತಹ ಅಸ್ವಸ್ಥತೆ
• ಊಟಗಳ ಮಧ್ಯೆ ಕುರುಕುಲು ತಿಂಡಿಗಳನ್ನು ಅತಿಯಾಗಿ ತಿನ್ನುವುದು
• ವ್ಯಾಯಾಮದ ಕೊರತೆ
• ನಿರ್ಜಲೀಕರಣ
• ಮಧುಮೇಹ ಔಷಧೋಪಚಾರದ ಡೋಸ್ ಅನ್ನು ತಪ್ಪಿಸುವುದು ಅಥವಾ ಸರಿಯಾದ ಡೋಸ್ ತೆಗೆದುಕೊಳ್ಳದಿರುವುದು
• ಹೈಪೋಗ್ಲೈಸೀಮಿಯಾಗೆ ಅತಿಯಾದ ಚಿಕಿತ್ಸೆ ನೀಡುವುದು ( ರಕ್ತದ ಸಕ್ಕರೆ ಮಟ್ಟ ಕಡಿಮೆಯಾಗುವುದು)
• ಸ್ಟೀರಾಯ್ಡ್‌ನಂತಹ ಕೆಲವೊಂದು ಔಷಧಗಳ ಸೇವನೆ.

ಅಪರೂಪಕ್ಕೆ ಹೈಪರ್‌ಗ್ಲೈಸೀಮಿಯಾ ಪ್ರಕರಣಗಳು ಬೆಳವಣಿಗೆಯ ಸಮಯದಲ್ಲಿ ಮಕ್ಕಳಲ್ಲಿ ಮತ್ತು ಯುವಕರಲ್ಲೂ ಕಾಣಿಸಿಕೊಳ್ಳಬಹುದು. ಹೈಪರ್‌ಗ್ಲೈಸೀಮಿಯಾ ಲಕ್ಷಣಗಳು ರೋಗನಿರ್ಣಯವಾಗದ ಮಧುಮೇಹದಿಂದಲೂ ಉಂಟಾಗಬಹುದು, ಆದ್ದರಿಂದ ಹೆಚ್ಚಿನ ಚಿಕಿತ್ಸೆಗಾಗಿ ವೈದ್ಯರ ಸಲಹೆ ಪಡೆಯುವುದು ಸಹಾಯಕವಾಗಬಹುದು.

ಹೈಪರ್‌ಗ್ಲೈಸೀಮಿಯಾ ಲಕ್ಷಣಗಳು ಇವುಗಳನ್ನು ಒಳಗೊಂಡಿವೆ:

• ಅತಿಯಾದ ಬಾಯಾರಿಕೆ ಮತ್ತು ಬಾಯಿ ಒಣಗುವುದು
• ಆಗಾಗ್ಗೆ ಮೂತ್ರ ವಿಸರ್ಜನೆ
• ಮೂತ್ರದಲ್ಲಿ ಹೆಚ್ಚಿದ ಗ್ಲೂಕೋಸ್ ಮಟ್ಟ
• ಸುಸ್ತು
• ಮುಸುಕಾದ ದೃಷ್ಟಿ
• ತೂಕ ನಷ್ಟ
• ಥ್ರಶ್, ಮೂತನಾಳದ ಸೋಂಕು ಮತ್ತು ಚರ್ಮದ ಸೋಂಕುಗಳು ಮುಂತಾದವು ಪದೇ ಪದೇ ಉಂಟಾಗುವುದು ಉಂಟಾಗುವುದು .

ಹೈಪರ್‌ಗ್ಲೈಸೀಮಿಯಾಗೆ ಚಿಕಿತ್ಸೆ ಪಡೆಯದಿದ್ದರೆ, ಈ ಕೆಳಗಿನ ತೊಡಕುಗಳು ಉಂಟಾಗಬಹುದು:

• ಹೃದ್ರೋಗ
• ಮೂತ್ರಪಿಂಡದ ರೋಗ
• ನರಗಳ ಹಾನಿ
• ಸೋಂಕು
• ಮೂಳೆ ಸಮಸ್ಯೆಗಳು
• ಅಂಗಚ್ಛೇದನ ಅಥವಾ ಮರಣ

ಹೈಪರ್‌ಗ್ಲೈಸೀಮಿಯಾವನ್ನು ಹೀಗೆ ತಡೆಗಟ್ಟಬಹುದು

• ಆರೋಗ್ಯಕರ ತೂಕ ನಿರ್ವಹಣೆ
• ನಿಯಮಿತ ದೈಹಿಕ ಚಟುವಟಿಕೆ
• ತಾಜಾ ಹಣ್ಣುಗಳು ಮತ್ತು ತರಕಾರಿಗಳನ್ನು ಅಧಿಕವಾಗಿ ಸೇವಿಸುವುದು ಮತ್ತು ಸಂಸ್ಕರಿಸಿದ ಕಾರ್ಬೋಹೈಡ್ರೇಟ್‌ಗಳ ಸೇವನೆಯನ್ನು ಕಡಿಮೆ ಮಾಡುವುದು
• ಸೂಚಿಸಲಾದ ಮಧುಮೇಹ ಔಷಧೋಪಚಾರವನ್ನು ಸೇವಿಸುವುದು
• ರಕ್ತದ ಸಕ್ಕರೆ ಮಟ್ಟದ ನಿಯಮಿತ ನಿಗಾವಹಿಸುವಿಕೆ^33,34,35,36