ಮಧುಮೇಹ ನಿರ್ವಹಣೆಯಲ್ಲಿ ಗುಣಮಟ್ಟದ ಜೀವನವನ್ನು ಕಾಪಾಡಿಕೊಳ್ಳಲು ರಕ್ತದ ಸಕ್ಕರೆಯನ್ನು ಪರಿಣಾಮಕಾರಿಯಾಗಿ ನಿರ್ವಹಣೆ ಮಾಡುವುದು ಅತಿ ಅಗತ್ಯ ಮತ್ತು ಆರೋಗ್ಯಕರ ಆಹಾರಾಭ್ಯಾಸವನ್ನು ಅಳವಡಿಸಿಕೊಳ್ಳುವುದು ಇದನ್ನು ಸಾಧಿಸುವ ನಿರ್ಣಾಯಕ ಅಂಶವಾಗಿದೆ. ಸರಳವಾಗಿ ಹೇಳುವುದಾದರೆ, ಅಪೇಕ್ಷಿತ ಶ್ರೇಣಿಯ ರಕ್ತದ ಸಕ್ಕರೆಮಟ್ಟವನ್ನು ಸಾಧ್ಯವಾದಷ್ಟು ಸ್ಥಿರವಾಗಿ ಕಾಪಾಡಿಕೊಳ್ಳಲು ನಿರ್ದಿಷ್ಟ ಸಮಯದಲ್ಲಿ ಸೂಕ್ತ ಪ್ರಮಾಣದ ಪೌಷ್ಟಿಕಾಂಶಯುಕ್ತ ಆಹಾರಸೇವನೆಯನ್ನು ಒಳಗೊಂಡಿದೆ.

ಇದಕ್ಕೆ ಪ್ರಮುಖ ಮಾರ್ಗಸೂಚಿಗಳೆಂದರೆ:

1. 1. ಆರೋಗ್ಯಕರ ಕಾರ್ಬೋಹೈಡ್ರೇಟ್‌ಗಳ ಆಯ್ಕೆ: ಎಲ್ಲಾ ಕಾರ್ಬೋಹೈಡ್ರೇಟ್‌ಗಳು ರಕ್ತದ ಸಕ್ಕರೆ ಮಟ್ಟದ ಮೇಲೆ ಪರಿಣಾಮ ಬೀರುತ್ತದೆ ಎಂಬುದನ್ನು ತಿಳಿದುಕೊಳ್ಳುವುದು ಅವಶ್ಯಕ. ಆದ್ದರಿಂದ, ಕಾರ್ಬೋಹೈಡ್ರೇಟ್‌ಯುಕ್ತ ಆಹಾರಗಳನ್ನು ಗುರುತಿಸಿ ಅವುಗಳನ್ನು ಎಷ್ಟು ಪ್ರಮಾಣದಲ್ಲಿ ಸೇವಿಸಬೇಕು ಎಂಬುದರ ಕುರಿತು ಎಚ್ಚರಿಕೆಯ ಆಯ್ಕೆ ಮಾಡುವುದು ಅತ್ಯವಶ್ಯಕ. ಧಾನ್ಯಗಳಾದ ಕೆಂಪಕ್ಕಿ, ಕಾಡುಗೋಧಿ ಮತ್ತು ಓಟ್ಸ್, ಹಾಗೆಯೇ ಹಣ್ಣುಗಳು, ತರಕಾರಿಗಳು ಮತ್ತು ದ್ವಿದಳಧಾನ್ಯಗಳಾದ ಕಡಲೆ, ಬೀನ್ಸ್, ಮತ್ತು ಬೀಜಗಳಂತಹ ಆರೋಗ್ಯಕರ ಕಾರ್ಬೋಹೈಡ್ರೇಟ್‌ಗಳ ಸೇವನೆ ಗಮನಾರ್ಹ ವ್ಯತ್ಯಾಸ ಉಂಟುಮಾಡುತ್ತದೆ. ಇದೇವೇಳೆ, ಕಡಿಮೆ ನಾರಿನಂಶ ಹೊಂದಿದ ಆಹಾರಗಳಾದ ಸಾಮಾನ್ಯ ಬ್ರೆಡ್, ಅಕ್ಕಿ ಹಾಗೂ ಹೆಚ್ಚು ಸಂಸ್ಕರಿಸಿದ ಬೇಳೆಗಳ ಸೇವನೆಯನ್ನು ಕಡಿಮೆಗೊಳಿಸುವುದು ಉತ್ತಮ.
   2. ಉಪ್ಪಿನ ಸೇವನೆಯನ್ನು ಮಿತಿಗೊಳಿಸಬೇಕು
   3. ಕೆಂಪು ಮತ್ತು ಸಂಸ್ಕರಿಸಿದ ಮಾಂಸ ಸೇವನೆಯನ್ನು ಕಡಿಮೆಗೊಳಿಸುವುದು: ಇವುಗಳಿಗೆ ಬದಲಿಯಾಗಿ, ದ್ವಿದಳ ಧಾನ್ಯಗಳು (ಬೀನ್ಸ್ ಮತ್ತು ಲೆಂಟಿಲ್‌ಗಳು), ಮೊಟ್ಟೆ, ಮೀನು, ಕೋಳಿ ಮಾಂಸ (ಚಿಕನ್ ಮತ್ತು ಟರ್ಕಿ), ಹಾಗೆಯೇ ಉಪ್ಪುರಹಿತ ಬೀಜಗಳನ್ನು ಸೇವಿಸಬಹುದು.
   4. ಹಣ್ಣು ಮತ್ತು ತರಕಾರಿ ಸೇವನೆಯನ್ನು ಹೆಚ್ಚಿಸುವುದು
   5. ಆರೋಗ್ಯಕರ ಕೊಬ್ಬಿನ ಆಯ್ಕೆ: ಉಪ್ಪುರಹಿತ ಬೀಜಗಳು, ಬಿತ್ತುಗಳು, ಬೆಣ್ಣೆಹಣ್ಣು, ಎಣ್ಣೆಯುಕ್ತ ಮೀನು, ಆಲಿವ್ ಎಣ್ಣೆ, ರೇಪ್ಸೀಡ್ ಎಣ್ಣೆ ಮತ್ತು ಸೂರ್ಯಕಾಂತಿ ಎಣ್ಣೆಯಂತಹ ಆಹಾರಗಳಲ್ಲಿ ಆರೋಗ್ಯಕರ ಕೊಬ್ಬುಗಳನ್ನು ಪಡೆಯಬಹುದು.
   6. ಸಕ್ಕರೆಯುಕ್ತ ಪದಾರ್ಥಗಳ ಸೇವನೆಯನ್ನು ಕಡಿಮೆಗೊಳಿಸುವುದು
   7. ಮದ್ಯಪಾನ ಸೇವನೆಯನ್ನು ಮಿತಿಗೊಳಿಸುವುದು
   8. ಖನಿಜಗಳು ಮತ್ತು ವಿಟಮಿನ್‌ಗಳನ್ನು ಪೂರಕಗಳಿಂದ ಪಡೆಯುವುದರ ಬದಲಿಗೆ ಆಹಾರದಿಂದ ಪಡೆದುಕೊಳ್ಳುವುದು³⁰